“Yaa Waaqayyo, warri maqaa kee beekan kooluu sitti in galu, ati warra si barbaadan hin ganne’o”
Faarfannaa 9:10
Kutaa kana yommuu Charles Sparjiyoon hiiku akkas jedhe, “Wallaalummaan kan hammaatu yeroo Waaqayyoon wallaaluu wajjin wal gitu, akkasumas beekumsi immoo baayy’ee kan gaarii kan inni ta’u yommuu maqaa Waaqayyoo irratti yeroo shaakaludha.
Jeems Booyis kan jedhamu barsiisaan macaafa qulqulluu immoo akkas jechuun kutaa kana hiika. “Maqaan Waaqayyoo foddaa amalli isaa ittiin mul’atudha. Maqaan kun akka inni Waaqa hundumaan olii ta’e, Waaqaaf lafa akka inni uume (EL Eliyoon), Hundumaa danda’uusaa (El Shaadayii), Barabaraan kan hin geeddaramne ta’uu isaa (El Olam), Gooftaa ta’uusaa (Adoonayi), Waaqayyo isa jiru (Jehoovaah Shammah), fi kanaan ol ibsa.”
Waaqayyo baroota keessatti eenyummaa isaa mul’isuuf maqoolii garaagaraa fayyadamuun of ibsaa ture. Maqaa Waaqayyoo jechuun eenyummaa isaa ibsa. Eenyummaan isaa kunis yeroo hundumaa kan inni mul’atu hojii isaatiini. Egaa maqoolii baay’ee ta’aniin Waaqayyo waamamuu filateera. Egaa maqaa isa kamtu caala? Isa kamiin immoo kadhachuu qabna? Moo yeroo hundumaa rakkoo keenyaaf maqaa gosa tokko tokko qopheeffanna?
Gooftaan akka nuun isa waamnu waan beekuuf, afaanuma kenyaan Maqaa isaa isa hafuura ta’e kana akka nuun isa waammannuuf kennaa godhee nuuf kenneera. Macaafa kakuu haaraa Hojii Ergamootaa boqonnaa 4 lakkoofsa 12 irratti maqaan nu itti fayyifamnu kan samii gaditti nuuf kenname gara biraan maqaa Iyyesuusiin alatti akka hin jirre nu barsiisa. Maqaan Gooftaa keenyaa haa ulfaatu! Kanaaf maqaa kana waammachuun dhugumaan jireenyatti jiraanna.
Maqaan Waaqayyoo armaan gaditti tarreeffaman macaafa keenya keessatti amala Waaqayyoo akka nuun beeknuuf foddaa nuuf banu. Mee hiika isaanii wajjin haa ilaallu.
Father – Abbaa (Burqaa, Madda)
Lord Master – Adoonaayi, Gooftaa
Alpha & Omega – JALQABAA FI DHUMA
Attiyq Youm – Kan durii kaasee ture
Kiristoos – Isa Dibamaa
El Chay – Waaqayyo isa jiraataa
El Deah – Waaqa Beekumsaa
El Elyon – Waaqayyo isa hundarra ol aanaa
El Gibhor – Waaqayyo is Jabaataa
El Olam – Waaqayyo Isa Barabaraan jiraatu
El Roi – Waaqayyo isa argu
El Shaddai – Waaqayyo isa hundaa danda’u
Elohim – Waaqayyo isa uumaa
Amaanu’eel – Waaqayyo nu wajjin jira
Jehovah (Yaahiwwee) – Waaqa isa ofiin jiraatu
Jehovah Bore – Waaqayo Gooftaa isa uumu
Jehovah Jireh – Waaqayyo isa qopheessu
Jehovah-M’Kaddesh – Waaqayyo isa qulleessu
Jehovah Nissi – Gooftaan Alaabaa Keenya
Jehovah Rapha – Gooftaan Fayyisaa keenya
Jehovah Rohi – Gooftaan Tiksee keenya
Jehovah-Sabbaoth – Waaqayyo Gooftaa Maccaa (Isa lolu)
Jehovah Shammah – Gooftaan jira
Jehovah Tsidkenu – Gooftaan Qajeelummaa keenya
Jehovah Tsuri – Gooftaan Kattaa keenya
Jesus – Fayyisaa
Messaiah – Isa dibame
Yaada kenni